Latest news

01:53А Серия. "Ювентус" "Парма"ни ишончли ҳисоб билан таслим этди, "Аталанта" эса ўз уйида "Пиза"ни юта олмади  3 00:34Байиндир — МЮ таркибида АПЛнинг икки турида яққол голли вазият яратган ягона футболчи  3 23:43"Реал Овьедо" — "Реал Мадрид". Таркиблар маълум  46 22:28АПЛ. "Манчестер Юнайтед" Лондонда "Фулхэм" билан дуранг ўйнади  33 21:40БАА Про лигаси. "Ал Батаэҳ" ўз уйида "Хорфаккан"ни мағлуб этди, Ғаниевдан иккита ассист  3 20:57"Бавария" "Манчестер Юнайтед"нинг икки футболчисини нишонга олди  4 20:23Рабьога "Наполи", "Милан" ва турк клублари қизиқиш билдирмоқда  0 19:50ОПЛ. "Сабаҳ" меҳмонда ғалабага эришди, Раҳмоналиев кетма-кет бешинчи ўйинда захирада қолдирилди  5 18:50Бельгия Про лигаси. "Антверпен" ўн киши билан камбэк эвазига ғалаба қозонди, Ўринбоев бу сафар ҳам захирада қолдирилди  3 17:49Доннарумма "Ман Сити" билан шахсий шартнома шартларини келишиб олди. Битим суммаси 50 млн евродан кам бўлади  0 16:05"Реал" Винисиусга нарх белгилади  13 14:55Жан-Пьеро Гасперини: "Аниқроқ бўлганимизда иккинчи голни ҳам урардик"  1 14:29Нодирбек Абдураззоқов: "Ҳар бир учрашувда ғалаба учун майдонга чиқамиз"  0 14:14Мюллер МЛСдаги дебют голини 90+14-дақиқада урди ва жамоасига ғалаба олиб берди  1 13:31Шаҳром Самиев Тожикистон терма жамоасига чақирилгани ва CAFA Nations Cup турнири ҳақида гапирди  2

Виталий Левченко: "Йўқ жойдан очко йўқотдик. Ёзги трансферлар ойнасида маҳаллий футболчиларни ўз таркибимизга қўшиб олишимиз мумкин" News

Виталий Левченко: "Йўқ жойдан очко йўқотдик. Ёзги трансферлар ойнасида маҳаллий футболчиларни ўз таркибимизга қўшиб олишимиз мумкин"

Суперлига 13-туридан ўрин олган "Нефтчи" - "Локомотив" (1:1) учрашувидан сўнг мезбонлар бош мураббийи Виталий Левченко матбуот анжуманида иштирок этди.

- Ўйин ҳақида

- Ўйин эпизодларга бўлинди деб ўйлайман. Биринчи бўлимда анча тетик ҳаракат қилдик, лекин жамоа тўлиқ потенциалини ишлата олмаяпти. Баҳс якунини эса жуда ёмон ўтказдик. Гол урганимиздан сўнг рақиб ўйинни ўз назоратига олди. Гол ўтказиб юборган вазиятимизда учта ҳимоячимизга қарши бор йўғи битта рақиб футболчиси эди. Ўша вазиятда қўпол хатога йўл қўйдик. Кейинги учрашувларга тайёргарлик кўришимиз керак.

- Жамоангиз ўйинни назорат қилди ва барчаси ғалабага қараб кетаётган эди, аммо иккинчи бўлимнинг сўнги 25 дақиқасини жуда ёмон ўтказдингизлар. Ўйин сўнгида жамоангиз ўйинни ташлаб юборишига нима сабаб бўлди? Захирадан майдонга тушган футболчилар ўйинга қўшилиб кета олмагандек туюлди.

- Фикрингизга қўшиламан. Захирадан ўйинга қўшилган футболчилар ўйин темпига мослашиб кета олишмади. Балки иссиқ об-ҳаво таъсир қилгандир, аммо рақиб жамоа ҳам майдонда эди. Рақиб билан бир хил шароитда эдик. Биз ўз хатоимиз туфайли бугун уч очкони қўлдан чиқардик. Йўқ жойларда очко йўқотяпмиз. Гол урганимиздан сўнг футболчилар эътиборни йўқотишмоқда. Ушбу ҳолатни тўғирлашимиз керак.

- Кейинги турда "Пахтакор"га майдонга чиқасизлар. Бугунги омадсиз натижа жамоанинг кайфиятига қанчалик таъсир қилиши мумкин? "Нефтчи" ўтган мавсумдагидек "Пахтакор"ни яна мағлуб эта оладими?

- "Пахтакор" жуда сифатли рақиб. "Пахтакор" жамоасида аниқ бир тизим бор. Шу сабабли уларда ҳар доим юқори сифатдаги футболчилар ўйнаб келишади. Қизиқарли ўйин бўлиши аниқ. Ўзимизнинг кучли жиҳатларимизни намойиш этишимиз керак бўлади. Муҳими "Пахтакор" ўз услубини намойиш этишга бермаслик.

- Иккинчи даврада жамоада янги футболчиларни кўрамизми? Очиқчасига айтсак, "Нефтчи" жамоасидаги молиявий муаммолар сабабли янги футболчиларни ўз таркибига қўшиб олишга қийналмайдими?

- Олдиндан хулоса чиқармай турайлик. Биз ҳар доим футболчиларни кузатиб борамиз. Бизга ҳозирча маҳаллий футболчилар керак. Сабаби ўзимизнинг футболчиларга адаптация учун вақт керак эмас. Легионерларга эса вақт керак. Улар жамоага киришиб кетиши қийинроқ. Насиб қилса, қайсидир футболчини жамоамизга қўшиб оламиз. Ёзда эркин агентга айланадиган футболчиларнинг бирини "Нефтчи"да кўришингиз мумкин.




Rating: -2   

Comments

championat.asia
< show latest news
Яндекс.Метрика