Вагиз Галиулин: «Жароҳатимни даволаш режа асосида кетмоқда»

— Вагиз, мухлислар сизнинг соғлиғингиз ҳақида қайғуришмоқда. Ўзингизни қандай ҳис қилаяпсиз?
— Мен ҳақимда эслашаётганидан хурсандман. Айни пайтда ўзимни яхши ҳис қилаяпман. 16 ноябрь куни икки ҳафталик тикланиш жараёнини ўтказиб Германиядан Қозонга келдим. Қозон шаҳрида тикланишни давом эттираяпман. Барчаси режадагидек кетмоқда!

— «Сибирь» сафида ўйнаётганингизда оғир жароҳат олган эдингиз. Бу сафар ҳам шундай бўлди, буни омадсизлик деса бўладими?
— «Сибирь» сафида жуда оғир жароҳат олгандим, пайларим узилиб кетганди, узоқ вақт даволангандим, майдонга қайтганимдан кейин ҳам оғриқлар бўлганди. Аммо вақт барчасига даво. Худога шукур оғриқлар ўтиб кетди. Аммо «Ягодина»га қарши ўйинда тўпиғимдан жароҳат олдим. 19 август куни Мюнхенда операция қилишди. Ўша вақт ҳақида эслашни ҳам истамаяпман.

— Қачон майдонга қайтиш ниятидасиз? Жисмоний ҳолатни тиклаб олиш учун кўп вақт кетадими?
— Ҳозир оёғим безовта қилаётгани йўқ. Кейинги йил бошида майдонга қайтишни режалаштираяпман. Жамоага тезроқ фойда келтиришни истайман.

— Клуб Россия чемпионатида 10-ўринда бормоқда, бу унинг ўрни эмас. Бунга сабаб нима деб ўйлайсиз?
— Жамоа ҳозир ўзига ярашмайдиган ўринда эканига қўшиламан. Аммо бу вақтинча эканига ишончим комил. Албатта, бу вазиятдан чиқиб кетиб юқорилаймиз.

Мавсумнинг қолган ўйинларида мухлислардан бизни қўллаб туришларини сўрайман. Биз ўйинчилар эса, уларни хурсанд қилиш учун қўлимиздан келганича ўйнаймиз, – дейди Галиулин клуб расмий сайтига.