2015 йилнинг сентябрида, жумадан шанбага ўтар кечаси тун пайти черногориялик беш нафар футболчи маҳаллий такси ҳайдовчиси Неша Ячимовични калтаклаб, унга тан жароҳати етказишган.

Зўравонлар орасида "Единство" клуби футболчиси Армин Бошняк ҳам бўлган. Ҳайдовчи тезда шифохонага ётқизилган, унга мия чайқалиши, бош қисми ҳамда қўл ва оёқ бўғимларининг шикастланиши ташхиси қўйилган. 

"Улар машинага ўтириши билан орасидан бири машинанинг том қисмини ура бошлади. Мен эса улардан манзилга етгунга қадар ўзларини тўғри тутиши кераклигини айтдим. Яна бири эса уларнинг беш киши эканлигини айтиб, гапга қулоқ солмади. Ахийри улардан машинадан тушларишни сўрадим. Орқага ўтирган йигитлардан бири эса бошимга урди. Хавфсизлик камарини ечиб, машинадан тушмоқчи бўлганимда, бошимга кучли зарба тегди ва ерга йиқилдим. Тиззалаб қолганимда мени дўппослай бошлашди.

Ўзимни қутқариш учун қўшним Раиф Медедовичнинг уйи томон югурдим. Ортимдан учтаси етиб олди ва улардан бири томоғимдан бўға бошлади. У шунчалик қаттиқ қисди-ки, ҳушимни йўқотаёздим. Мен қўйиб юборинг, деб ёлвордим, лекин улар тўхтамади. Қандайдир тарзда қўшнимга қўнғироқ қилишга муваффақ бўлдим, у эса эпчиллик билан югуриб чиқиб, мени қутқариб қолди. Ишончим комилки, қўшним бўлмаганда, омон қолмаган бўлардим, ундан бениҳоя миннатдорман", — деди ҳайдовчи.

Қайд этилишича, футболчилар ўша куни спиртли ичимликлар истеъмол қилган.

Воқеадан сўнг зўравонлар ҳибсга олиниб, сўроқ қилингач, қўйиб юборилган. Бошняк клуб интизом қоидаларини бузганлиги учун дисквалификация қилинган.

Шофёр эса бундан норози бўлган: "Мен калтакланган ҳолда қимир этолмай ётибман, улар эса шаҳар кезиб юришибди. Бундай адолатсизликка чидаб бўлмайди".

31 ёшли футболчи фаолияти давомида "Единство" (Черногория), "Искра" (Черногория), "Рудар Плевля" (Черногория), "Зета Голубовац" (Черногория), "Балкани" (Косово), "Тампинс Роверс" (Сингапур) каби клубларда тўп тепган. 

2023 йилнинг ёзида Бошняк "Андижон" билан бир йиллик шартнома имзолади.

Янги клуби сафидаги иккинчи ўйинида эса "Бунёдкор" дарвозасига ажойиб гол урди, бироқ бу ҳам жамоасини ҳам мағлубиятдан қутқариб қола олмади.

"Андижон" таркибида 21 ўйинда 3 та гол урган вингер кейинги мавсумни "Единство" таркибида ўтказди. 2026 йил Бошняк яна Ўзбекистонга келди, бу гал у Бекободнинг "Металлург" жамоаси шарафини ҳимоя қилади. Трансфер расман эълон қилинмаган бўлса-да, легионер ўйинчи ўртоқлик учрашувларида иштирок этмоқда.

"Ушбу трансфер мен учун янги халқаро тажриба. Янги муҳитда ўз маҳоратимни кўрсатишни истайман. Бу ерга келишимга масъул бўлган инсонларнинг ишончини ўз ўйиним орқали оқлашга ҳаракат қиламан", деди ҳужумкор ярим ҳимоячи.

Ошпаз ва официантликдан футболга. Боаке ҳақида 7 қизиқарли факт

Баскетбол терма жамоасига чақирилган, балиқли майдонда тўп тепган ҳамда Жек Читтак мухлиси бўлган "Бухоро"нинг янги легионери билан танишамиз

Юзи қонга беланган ва агентидан нолиган "Динамо"нинг уругвайлик футболчиси билан танишамиз

"Локомотив" легионерининг ҳаётий ҳикояси

Отасига эмас, Роналдиньога ўхшашни хоҳлайдиган, гол нишонлагани учун жамоадан ҳайдалган "Бухоро"нинг икки ниқобли легионери билан танишамиз

Онаси футболчи бўлган, муҳтожларни қўллайдиган "Динамо"нинг янги легионери билан танишамиз

Буффон ва Доннарума дарвозаларига гол урган ҳамда Ўзбекистонга қарши ўйнаган "Нефтчи"нинг янги легионери билан танишамиз

Оқил Абдубарноев тайёрлади.