"Сўғдиёна" Шоаҳмедов трансферини эълон қилди ва бир футболчиси билан битимни узайтирди

"Сўғдиёна" ярим ҳимоячи Санжар Шоаҳмедов билан бир йиллик шартнома имзолади. 

Санжар Шоаҳмедов 1990 йил 23 сентябрь куни Тошкент шаҳрида таваллуд топган.

Футболчи фаолияти давомида АГМК, "Локомотив", "Ал Сайлия", "Терангану", "Қизилқум" жамоаларида тўп тепган.

Шоаҳмедов 2022 йил Суперлигада навоийликлар таркибида 26 та учрашувда майдонга тушиб, 1 та гол урди ҳамда 5 та ассист қайд этди.

Шунингдек, клуб Даниэль Насриддинов фаолиятини Жиззахда давом эттиришини маълум қилди. 

Тажрибали ярим ҳимоячи 2023 йилги мавсумда ҳам мазкур жамоа шарафини ҳимоя қилади. Эндиликда Насриддинов билан келишув муддати 2023 йилнинг 1 декабригача амал қилади.

Маълумот ўрнида, Даниэль 2022 йилда Cоcа Cola Суперлигаси ўтган мавсумида 10 та учрашувда (459 дақиқа) майдонда ҳаракат қилди.  

ОФК Кубоги доирасида 6 та ўйинда майдонга тушиб, 370 дақиқа ўйнади. Ўзбекистон Кубогида эса 2 та ўйинда қатнашди.