Рўзиқул Бердиев: "Энг яхши мураббий номинациясида биринчи бўлишимни кутмагандим"

Шу муносабат билан Бердиевни суҳбатга тортдик.

- Аввало бу каби тақдирлаш маросимларида биринчи бор иштирок этишим эканлигини айтиб ўтмоқчиман. Очиғи йилнинг Энг яхши мураббийи номинациясида биринчи бўлишимни кутмагандим. Чунки ўзингизга яхши маълумки, юртимизда бундай совринларга муносиб бўлган маҳоратли мураббийлар бор. Залда менинг исм-шарифимни айтишганида оз миқдорда  ҳаяжонланиш ҳам бўлди.

- Албатта бу борада менга овоз берган барча ОАВ ходимларига миннатдорчилик билдираман. Шунингдек футболимиз раҳбарларига ҳам ташаккур деб қоламан.

- Биласизми ушбу ютуқ нафақат меники, балки бутун "Насаф" жамоаси аъзолариники ҳамдир. Сабаби бунга клубимиз аъзоларининг  ҳам меҳнатлари орқали эришганман. Футбол жамоавий ўйин бўлгани учун ҳам "Насаф" аъзоларининг  ҳиссаси бор деб биламан.

- Ўзимга билдирилган ишончи келгуси мавсумларда ҳам оқлашга ҳаракат қиламан.

 Исломбек Рустамбеков суҳбатлашди