"Рома" АПЛдаги футболчини 20 млн еврога харид қилиш ҳуқуқи билан 3 млн еврога ижарага олди
17 aug 2025 15:13
News

"Рома" АПЛдаги футболчини 20 млн еврога харид қилиш ҳуқуқи билан 3 млн еврога ижарага олди

Леон Бэйли "Астон Вилла"дан "Рома"га ўтишга яқин турибди.

Аввалроқ, клублар вингерни сотиб олиш шарти билан ижарага олиш масаласини муҳокама қилаётгани ҳақида хабарлар тарқалган эди.

Инсайдер Николо Скиранинг маълум қилишича, томонлар футболчини 3 млн еврога ижарага олиш ва 20 млн еврога сотиб олиш бўйича келишувга эришган.

Футболчининг сотиб олиш шарти билан шартномаси ҳам аллақачон келишиб олинган - у 2030 йилгача мўлжалланган ва "1+4" схемаси бўйича тузилади.

Леон ўтган мавсумда "Астон Вилла" сафида АПЛнинг 24та ўйинида ҳаракат қилиб, атиги 14та ўйинда асосий таркибда майдонга тушди, унинг ҳисобида 1та гол ва 2та голли узатма бор.