"Реал" Кепани қанчага сотиб олишга тайёрлиги маълум бўлди

Мадриднинг "Реал" клуби "Челси"дан дарвозабон Кепа Аррисабалагани 10 миллион евро эвазига сотиб олишга тайёр. Бу ҳақда "Defensa Central" нашри хабар берди.

Бу вариант "кўклар"га мос келадими ёки йўқ, ҳозирча номаълум. Лондонликлар испаниялик футболчини 2018 йилнинг ёзида 80 миллион евро эвазига сотиб олишганди.

Кепа "Реал"да ижарада ўйнамоқда. 29 ёшли посбон жорий мавсум барча турнирларда 10 та ўйинда иштирок этиб, 5 та ўйинда дарвозаси дахлсизлигини сақлаб қолди.

Аввалроқ Кепа "Реал" ва "Челси" ўртасида танлов қилган эди.