Расман: "Милан" "Реал" собиқ форвардини қўлга киритди

"Россонери" расмий сайтига кўра, Лука Йович "Милан"га ўтди. 

Transfermarkt маълумотига қараганда, сербиялик ҳужумчи "Фиорентина"ни эркин агент сифатида тарк этган.

Эслатиб ўтамиз, 2019 йилнинг ёзида Лука Йович 63 миллион евро эвазига Франкфуртнинг "Айнтрахт" клубидан  "Реал"га ўтган эди. Бироқ тартиб-интизомда муаммоларга дуч келган сербиялик қироллик клубида муваффақиятсизликка учради – 51 учрашувда атиги 3 та гол.

Йович 2022 йилнинг ёзида эркин агент сифатида қўшилган "Фиорентина"да анча яхши ўйнади. Флоренция клуби сафида у 50 та ўйин ўтказиб, 13 та гол ва 5 та голли узатмага муаллифлик қилди.