Рамос: "Пенальти бор эди, Лангле мени ушлаб қолди"

Эслатиб ўтамиз, учрашув бош ҳаками Хуан Мартинес Мунуэра "Барселона" футболчиси Клеман Лангле рақиби Серхио Рамосни кийимидан ушлаб йиқитгани учун пенальти белгилаганди.

- Бу жамоалар доимо ҳимояда ажойиб ўйин кўрсатган. Шу боисдан икки томонда ҳам очиқ ҳудудлар кам эди. Натижада голлар урилиши осон бўлмайди.

Биз тўпни рақиблардан олиб қўйган ҳолда гол урдик, бу эса доимо ҳимоячиларни қўрқитади. Иккинчи таймда иккинчи голимиздан кейин ҳимояга кўпроқ эътибор бердик. Бугун жамоамиз бир мақсад йўлида ажойиб ҳаракат қилди. Энди танқидларни бироз йиғиштириб, ўйинларни тахлил қилиш вақти келди.

- Пенальти ҳақида нима дея оласиз?
- Бу тоза пенальти эди. Лангле мени ушлаб қолди. Ўшанда тўпга сакрашга тайёр тургандим ва ундан кўра яхшироқ позицияда эдим. Бу вазиятда пенальти берган ҳакамни муҳокама қилиш ноўрин.