Мухтор Қурбонов: "Пахтакор" бугунги ўйинда фаворит"

Азалий рақибларнинг навбатдаги тўқнашуви олдидан мутахассислар фикрини билишга қизиқдик. Бугунги кунда "НБУ-Осиё" жамоасини бошқариб келаётган Мухтор Қурбонов дастлабки суҳбатдошимиз бўлди. 

Фарғонада бўладиган ўйинни қизиқарли ўтишини таҳмин қилиш мумкин", - дея гап бошлади Мухтор Қурбонов. - "Пахтакор" гарчи бугун сафарда тўп сурадиган бўлсада, бу жамоани учрашув фаворити деган бўлардим. Тўғри, "Нефтчи" ҳам иккинчи давра рафасида таркибда сезиларли ўзгаришлар қилиб, жамоа ўйинида ижобий томонга силжиш бўлди, лекин фарғоналикларнинг охирги икки турда, ўз майдонида "Сўғдиёна"га, сафарда "Локомотив"га имкониятни бой бергани, ҳозирча жамоада ҳаммаси изига тушиб кетмаганини кўрсатмоқда. 

"Шерлар" эса ўтган йили чемпионликни қўлга киритган. Уларда ғолиблик руҳи барибир кучли. Шу боис бўлажак баҳсда тошкентликларнинг имконияти юқори.  

Исломбек Рустамбеков ёзиб олди.