Моуринью Винисиус билан либос алмашган "Бенфика" ҳимоячисини таркибдан четлатди
12 mar 15:19
News

Моуринью Винисиус билан либос алмашган "Бенфика" ҳимоячисини таркибдан четлатди

Португалиянинг гранд клуби "Бенфика" Мадриднинг "Реал"идан Чемпионлар Лигасида мағлуб бўлиб, мусобақадан чиқиб кетганидан кейин ички можарога юзлашди.

Ёш ҳимоячи Лопес Кабрал январь ойида Жозе Моуриньюнинг шахсий илтимоси билан клубга қўшилган бўлса-да, кутилмаганда жамоа таркибидан йўқолиб қолди.

"Mundo Deportivo" маълумотларига қараганда, бу қарор "Сантьяго Бернабеу"да финал ҳуштагидан кейин футболчининг Винисиус Жуниор билан футболка алмашгани билан боғлиқ.

"Ўзгача" (The Special One) лақабли мураббий ушбу ҳолатни ўз услубида изоҳлаб, Кабралнинг ҳаракати жиноят эмаслигини, аммо бундан қочиш кераклигини таъкидлаган. Расман эса мураббий футболчининг таркибдан тушиб қолишини унинг жисмоний ҳолати ёмонлиги билан тушунтиряпти. Бироқ Португалиядаги манбалар бу интизомий жазо ёки жамоани носоғлом муҳитдан ҳимоя қилишга қаратилган қадам эканига ишонмоқда.

Link :

Source : Mundo Deportivo

Receive latest football news directly on your phone. Subscribe for our Telegram channel!

Rating: +3