Модрич Роналдусиз "Реал" ҳақида: "У кетганидан сўнг бирдамлик билан ўйнаяпмиз, энди биз битта ўйинчига боғлиқ эмасмиз"

"Криштиану билан ўйнаш ажойиб эди. Биз у билан ажойиб 7 йилни ўтказдик ва кўплаб совринлар ютдик. Машғулотларда ҳам бошқача ишлар эди. Жамоа энг яхши ҳолатида бўлмаган пайт Криштиану ўзининг маҳорати, амбицияси, характери ва сифатларидан фойдаланиб ўйинни ҳал қилиши мумкин эди.

У алоҳида эди, Криштианусиз эса кўпроқ жамоа бўлиб ўйнашимиз керак. Аммо, ишлар ёмон бўлган пайт, сеҳр кўрсатадиган футболчи ҳам керак. Икки йилдан бери Криштианусиз бирдамроқ, яна ҳам ихчамроқ ва жамоа бўлиб ўйнамоқдамиз. Бизнинг энг катта сифатимиз - энди битта ўйинчига боғлиқ эмасмиз", - дейди Модрич.

Роналду "Ювентус"га 2018 йилда 117 миллион евро эвазига ўтган. 35 ёшли португалиялик футболчининг "Ювентус" билан тузган шартномаси 2022 йилнинг ёзига қадар мўлжалланган.