Люк Шоу: "Биз гол ура олмаяпмиз — асл муаммо шунда"
05 may 2023 11:01
News

Люк Шоу: "Биз гол ура олмаяпмиз — асл муаммо шунда"

"Манчестер Юнайтед" ҳимоячиси Люк Шоунинг "Брайтон"га қарши ўйин таассуротлари билан ўртоқлашди.

"Бу жуда аламли. Қўлим нега ундай ҳолатда турганини тушунтириб беролмайман. Мени енгил туртиб юборишди, аммо нима бўлганда ҳам қўлим у ерда бўлиши керак эмасди. Бунинг учун бор айбни ўз бўйнимга оламан.
Асл муаммо эса биз гол ура олмаётганимизда. Бу мавсум кўп бор шундай вазиятга дуч келдик. Агар вазиятларимиздан фойдалансак, ўйиннинг бориши буткул ўзгариб кетади.
Биз биринчи бўлимдан кейин 3:0 ҳисобида олдинда бўлишимиз керак эди. Шунга қарамай, Топ-4даги ўрнимизни сақлаб қолиш ҳали ҳам ўз қўлимизда".