Лукаку: “11 ёшимдан “Стэмфорд Бриж”да гол уришни орзу қилганман"
12 sep 2021 09:40
News

Лукаку: “11 ёшимдан “Стэмфорд Бриж”да гол уришни орзу қилганман"

“Челси” ҳужумчиси Ромелу Лукаку АПЛ 4-турида “Астон Вилла”га (4:0) қарши баҳсда “дубл”га эришиб, жамоасининг йирик ғалабасига муносиб ҳисса қўшди.

“11 ёшимдан буён “Стэмфорд Бриж”да гол уришни орзу қиламан. Бу лаҳзалар учун жуда кўп меҳнат қилишимга тўғри келди. Ғалабадан хурсандман. Бу биз учун муҳим беллашув эди. Биз илк дақиқаларданоқ ғалабага чанқоқлигимизни намойиш эта олдик ва керакли натижага эришдик.

Италияда тўп тепганимда ўйин давомида гол уриш уучун бир ёки иккита вазият бўларди. Шу боис мендан улардан самарали фойдаланиш талаб этиларди. Айни пайтдаги ҳолатимдан мамнунман ва олдинга интилишда давом этамиз.

“Астон Вилла” жуда яхши жамоа. Кўп вазиятларда прессинг уюштириб, асосан ҳужумчиларни ноқулай аҳволга тушириб қўйишга интилди. Аммо барчаси биз учун яхши якун топди. Болалигимдаги орзуимни амалга оширганимдан хурсандман. Жудаям бахтлиман ва ишлашда давом этаман”, – дея Лукакунинг сўзларидан иқтибос келтирмоқда ВВС.

Link :

Source : ВВС

Receive latest football news directly on your phone. Subscribe for our Telegram channel!

Rating: +7