"Жирона" устози: "Таркиб тенг бўлганида "Барселона"ни мағлуб этардик"
28 jan 2019 11:30
News

"Жирона" устози: "Таркиб тенг бўлганида "Барселона"ни мағлуб этардик"

"Жирона" бош мураббийи Эусебио Сакристан ЛаЛиганинг 21-турида "Барселона"дан учралган мағлубият (0:2) ҳақида фикр билдирди.

"Четлатиш? Бу қарор нотўғри бўлди деб ўйлайман. Иккала сариқ карточка ҳам шубҳали. Бундай қарордан олдин ҳаммаси тарозига қўйиб кўрилиши керак, чунки вазият баҳсли эди. Мен доимо ҳакамларнинг адолатпарварлигига ишонаман. Аммо қарор ўйланмасдан қабул қилинди. Бир неча дақиқа олдин ҳакам шундай қўполлик учун Бускетсни жазолаши мумкин эди, аммо рефери бундай қилмади.

Таркиб тенг бўлганида ғалаба қозонардик. Ўн киши бўлиб ҳам ҳисобни тенглаштиришга уриндик. Футболчиларимга эътироз билдира олмайман. Улар билан фахрланаман. Аммо айни дамда бир неча ўйиндан бери ғалаба қозона олмаяпмиз, бу футболчиларга таъсир қилиши мумкин" - дейди Сакристан.

Link :

Source : Sport Es

Receive latest football news directly on your phone. Subscribe for our Telegram channel!

Rating: -7