Latest news

00:48Ҳарри Кейн Жаҳон чемпионатидаги мақсад ҳақида гапирди  0 00:24Арда Гюлер: "Алонсо дарвозада турасан деса, қўлқоп сотиб оламан"  0 23:58Энцо Мареска "Ливерпул"га қарши ўйиндаги хатти-ҳаракатлари учун жазога тортилди  0 23:37"Милан" ва Emirates ўзаро келишувни расман узайтиришди  0 22:48"Golden Boy" мукофоти учун якуний номзодлар рўйхати маълум бўлди  5 22:15ESPN Жаҳон чемпионатида иштирок этиши мумкин бўлган мамлакатлардан энг кучлилар рейтингини тузди. Ўзбекистон нечанчи ўринда?  5 21:50"Интер" рекорд даражада даромад қилди. Клуб 15 йил ичида биринчи марта фойдага кирди  0 21:24Каземиро Япониядан учралган мағлубият ҳақида гапирди  3 20:57Осиё кубоги саралаши. Ўзбекистон U-17 аёллар термаси Қирғиз Республикасига имкониятни бой берди  5 20:21Чехия термаси бош мураббийи Фарер оролларига учралган мағлубият ортидан ишдан ҳайдалди  0 19:45Йилдиз "Челси", "Арсенал" ва "Барселона"нинг диққат марказида  0 19:15Кокорин Россияда футболчиларнинг маоши ҳақида: "Жуда эрта кўп пул беришади"  1 18:51Скоулз: "МЮ Хейлундга ўхшаган ҳужумчи - Шешкони сотиб олди. Мантиқ қаерда?"  3 18:15"Барса" Левандовскининг терма жамоада олган жароҳати сабабли ундан норози  1 17:36Френки Де Йонгнинг товон пули ярим млрд. еврога етди  0

Муҳсин Муҳаммадиев: "Мен Москвадаман, барча легионерларимиз ўз ватанларида..." News

Муҳсин Муҳаммадиев: "Мен Москвадаман, барча легионерларимиз ўз ватанларида..."

"Бухоро" бош мураббийи Муҳсин Муҳаммадиев клуб матбуот хизматига интервью берди.

- Aйни дамда бутун дунёда коронавирус пандемияси сабаб карантин эълон қилинган, ўзингизни изоляция қилиш даврини қандай ўтказмоқдасиз?
- Ҳозирги кунда мен оилам билан бирга ўз уйимда, яъни Москвада карантин даврини ўтказяпман.

- Бутун дунё бу офатдан жабр кўряпти, нормал ҳаёт пандемия туфайли бутунлай ўзгариб кетди...

- Aфсуски, ҳамма ўз уйида изоляция даврини ўтказиши шарт, нафақат спортчилар балки бошқа касб эгалари ҳам ўз иш фаолиятларини давом эттира олишмаяпти. Нима ҳам қила олардик? Бундан қочиб қутулиб бўлмайди, жуда ҳам оғир давр.

- "Бухоро" жамоасининг ҳозирги аҳволи ҳақида айтиб ўтсангиз...

- Жамоамиз футболчилари 40 кундан бери карантин даврини ўз уйларида ўтказишмоқда. Ўзбекистон Суперлигаси 3-тур учрашувлари якунлангач, яъни 15 мартдан бери ҳеч бир жамоа бирга шуғулланмаяпти. Биз ҳам барча футболчиларимизга жавоб бердик. Мураббийлар штаби таътилга чиқди. Легионер футболчиларни ушлаб туришдан маъно йўқ эди, шу сабабли улар ҳам ўз юртларига учиб кетишди. Чунки, чемпионатнинг қайта тикланиши мавҳум эди. Маҳаллий футболчиларга келсак, кўплари Бухоро вилоятида истиқомат қилишади. Тошкент ва бошқа вилоятларда бўлган футболчиларимиз билан ҳар куни алоқадамиз. Футболчилармиз ўз формаларини йўқотмаслик учун ўз уйларида индивидуал машқлар олиб боришяпти ва албатта чемпионат қайта бошланишини интизорлик билан кутишяпти.



- Яқин орада Ўзбекистон Суперлигаси давом эттирилади деган умиддамиз, агар бу содир бўлса, жамоа чемпионатга тўлиқ тайёр бўла оладими?

- Чемпионатни давом эттириш учун ҳали конкрет кун белгиланмаган, биз ҳозирча кутиш режимидамиз. Ҳукумат рухсат берса машғулотларга киришамиз, ҳозирча эса фақат биздан кутиш талаб қилинади.

Легионер футболчилармизнинг барчаси чет элда. Милован Капор Канадада, Aртём Барановский ва Жаба Липартия Украинада, Эдин Юнузович эса Хорватияда. Бу легионерларимиз асосий таркиб футболчилари ҳисобланишади. Aгар чемпионат давом эттирилиб, халқаро авиарейслар йўлга қўйилмаса бу футболчилар сафимизга келиб қўшила олишмайди. Менимча, бу масалани ҳам қандайдир ечимини топиш керак бўлади.

Менга келиб етган хабарларга кўра, 12 майдан кейин Ўзбекистон футбол ассоциацияси жамоаларга ўз қароргоҳларида умумий машғулотлар олиб бориш учун рухсат берилиши кутилмоқда, унда барча гигиена қоидаларига амал қилиб ёпиқ ҳолда ўтказилиши режалаштириляпти.

Барча футболчилар дам олишдан чарчади, бундан кейин енг шимариб меҳнат қилиб, кейинги турларга тайёрланиш керак. Тўғри икки ҳафтада жамоа ўз формасига қайтиши қийин масала, лекин нафақат биз, балки, бутун дунё чемпионатларида жамоалар шу аҳволда. Нолишга ҳожат йўқ! Биз барча ҳаракатларимизни, чемпионат бошидаги хатоларимизни ювиш учун қаттиқ тер тўкамиз. Ишқибозлар олдида айбдормиз, улар жамоадан фақат ғалаба кутишади. Биз ҳали ўз сўзимизни айтишга улгурмадик, омадсиз старт бизни тўхтата олмайди.

Барча Бухоро жамоаси мухлисларига омад тилаган ҳолда, оилаларига тинчлик, соғлик ва осойишталик тилайман.


Ойбек Жуманазаров суҳбатлашди
"Бухоро" матбуот хизмати

Rating: -3   

Comments

championat.asia
< show latest news
Яндекс.Метрика