Александр Хомяков: "Барчаси яхши бўлади, хавотир олманг. Футболчиларга эътирозим йўқ"

"Совуқ об-ҳаво бўлишига қарамай, анча қизиқарли ва қайноқ ўйин бўлди. Тўғри, голли вазиятлар кўп бўлмагандир, лекин анча мазмунли ўйин бўлди. Ғалаба қозонганимизда яхши бўларди. Ўтказиб юборган голимиз туфайли олдинга ўтишга мажбур бўлдик ва шу сабабли рақиб дарвозамиз хавф сола бошлади. Рақиб дарвозамиз олдида бир нечта яхши имкониятлардан фойдалана олмади. Ушбу ўйин тўғри хулоса чиқариб, олдинга юришда давом этамиз", — дея фикр билдирди Александр Хомяков учрашувдан. якунланганидан сўнг.

- "Бухоро" захирасида Қулматов, Тодоров ва Башелеишвили каби тажрибали футболчилар бор. Нега Башелеишвили сўнгги 10-15 дақиқада майдонга тушмоқда? Балки унда жароҳат бордир? Башелеишвили майдонда Родич билан яхши бўлаётгандек. Нега ушбу футболчига кўпроқ ўйин вақти берилмаяпти?

- Саволнинг мазмуни нимада?

- Нега Башелеишвилига кам ўйин вақти берилмоқда?

- Мен 20 нафар футболчини майдонга тушира олмайман-ку. Тўғрими? Менимча, таркибни танлаш ва футболчиларни майдонга тушириш бош мураббийнинг истагига кўра рўй бериши керак. Мавсум энди бошланди. Ҳали барча футболчилар ўзини тўлиқ намойиш этиш имкониятига эга бўладилар.

- Доминик Бегич ўтган мавсумдаги ўйинини намойиш эта олмаяпти. Бунга сабаб нима?

- У жамоага қўшилиб кета олмади деган фикрга қўшилмайман. У сафимизга бироз кечроқ қўшилди. Ҳозир жисмоний ҳолатини тиклаш билан банд. Умид қиламанки, у тезроқ энг яхши спорт формасига қайтиб олади. Унга ҳеч қандай эътирозим йўқ. Мураббий сифатида у яхшироқ ўйин намойиш этишини истайман, аммо бунинг учун вақт керак.

- Ҳакамлик ҳақида гапириб ўтсангиз...

- Мен ҳакамларни муҳокама қилмайман. Ўйин асабий ва босимга бой бўлди. Тўғри, айрим вазиятларнинг бош ҳакамнинг қарорига қўшилмагандирман. Лекин у бугунги учрашувни яхши бошқариб борди.

- Убайдуллаевда 3-4та яхши имконият бўлди, лекин вазиятлар голга айлантирилмади. Бунинг сабаби нимада?

- У менинг кутилмаларимни тўлиқ оқламоқда. Гол уришни эсдай чиқариб қўйгани йўқ. Футбол хатолар устида қуриладиган ўйин. У ўз имкониятларидан фойдалана олмади. Ишонинг, Убайдуллаев ҳали ўз сўзини айтади. Футболчиларга эътирозим йўқ.

- Младович ва Качаварани қачон майдонда кўрамиз?

- Улар умумий гуруҳга қўшилишди. Майдонга тушишга тайёр бўлишлари биланоқ уларга имконият берамиз.

- "Бухоро"да жароҳатланган футболчилар кўп. Бугун Убайдуллаев беш метрдан дарвозани пойлай олмади. Аввалги ўйинларда эса Бегич худди шундай вазиятни кўкка совурган эди. Кейинги учрашувда "Бухоро" "Динамо"ни қабул қилади. "Динамо" бундай хатоларни кечирмаслиги мумкин. Ушбу муаммони қандай бартараф этмоқчисиз?

- Ҳужумчилар кам сонли маҳсулот ҳисобланади. "Динамо"га тайёргарлик кўрамиз. Бугун биз гол урмадик ва рақиб шундан сўнг дарвозамизга гол урди. Демак, ўша машҳур ибора ҳали ҳамон ишламоқда. Бизда реализация масаласида муаммолар бор. Дастлабки ўйинларда рақиб дарвозасида вазиятлар ярата олмаётгандик. Энди эса вазиятлар етарлича. Барчаси яхши бўлади. Хавотир олманг.

- "Хоразм" ўтган мавсумда ўтиш ўйинида бизни мағлуб этган эди. Жорий мавсумда эса дуранг қайд этилди. "Хоразм" "Бухоро" учун ноқулай рақибми?

- Нега ноқулай рақиб? Ўтган мавсум биз умуман бошқа жамоага мағлуб бўлгандик. Жорий мавсумда икки жамоа ҳам таркибини ўзгартирди. "Хоразм" яхши жамоа. Тўғри ҳимояланди ва қарши ҳужумларга ўтди. Ўз вазиятларига ҳам эга бўлди. Биз ушбу жамоани ўрганиб чиққан эдик. Гол ўтказиб юборганимизга қадар деярли имконият бермаётгандик. Бу футбол.