Инглиз футболи учун рекорд сумма: "Челси" Кайседони сотиб олмоқда
14 aug 2023 12:12
News

Инглиз футболи учун рекорд сумма: "Челси" Кайседони сотиб олмоқда

"Челси" "Брайтон" футболчиси Мойсес Кайседони ўз сафига қўшиб олмоқда.

Ушбу трансфер инглиз футболи учун рекорд бўлади. "Аристократлар" эквадорлик ярим ҳимоячи билан 2031 йилгача мўлжалланган (яна бир йилга узайтириш имконияти билан) шартнома имзолайди. "Челси" футболчи учун 115 млн фунт тўлайди ва "Брайтон" футболчининг кейинги сотувидан фоизга эга бўлади.

Ушбу трансфер инглиз футболи тарихидаги рекорд келишув бўлади. Аввалги рекорд июль ойида Деклан Райснинг "Вест Хэм"дан "Арсенал"га кўчиб ўтиши бўлганди.

Бунгача "Ливерпуль" Кайседони сотиб олиш учун асосий даъвогар сифатида қаралаётганди ва Юрген Клопп "Ливерпул"нинг ушбу трансферини тасдиқлашга ҳам улгурганди. Бироқ якунда "аристократлар" "Брайтон" футболчисини илиб кетяпти.

Кайседо 2022/23 йилги мавсумда "Брайтон" сафида барча турнирларда 43 та ўйин ўтказиб, 1 та гол ва 1 та голли узатмани амалга оширган.

Link :

Source : Goal

Receive latest football news directly on your phone. Subscribe for our Telegram channel!

Rating: -5