Игорь Сергеев: "Голимни Ўзбекистон халқига бағишлайман"

“Бугун гол урганимдан жуда хурсандман. Ҳужумчи биринчи навбатда майдонга гол уриш учун тушади ва ундан бу нарсани кутишади. Мени яққол ҳужумчи сифатида майдонга тушуришдими, гол уришга ҳаракат қилишим шарт. Бугун об-ҳаво туфайли ўйинга киришиб кетиш жуда қийин бўлди. Биринчи 20 дақиқада югуриш анча мушкул бўлди кейин эса, ўз ўйинимизни топдик ва ғалаба қозона олдик. Гол урилган вазиятда, тўп дарвозага бориб тушишини кутмагандим. Мен йиқилаётгандим ва вазиятни яхши кўра олмадим. Аниқ узатма учун Денисовга катта раҳмат. Бундай узатмалар ҳужумчиларга жуда ёқади. Голимни эса бутун Ўзбекистон ҳалқига бағишладим”, - дейди Игорь Сергеев.