Гризманн 3-дивизиондаги жамоага қарши ўйинда жароҳатини қайталаб олиши оқибатида бир ой атрофида майдонга туша олмайди

Мадрид клуби матбуот хизматининг хабарига кўра, "Райо Махадаонда" (5:0)га қарши Испания Кубоги доирасидаги ўйин давомида футболчи мушак жароҳатини қайталаб олди.

Гризманн ўша ўйинда 57-дақиқада майдонга тушди, аммо 77-дақиқада мажбуран алмаштирилди, у олдинги жароҳат жойида ноқулайлик ҳис қилди. Француз майдонда ҳаракат қилган 20 дақиқасида гол уришга улгурди.

Mundo Deportivo'нинг ёзишича, Гризманн катта эҳтимол билан бир ой атрофидаги муддатни ўтказиб юборади.

30 ёшли форвард жорий мавсум "Атлетико" сафида барча мусобақаларда 22та ўйинда майдонга тушиб, 8та гол ва 2та ассист қайд этди.