Чемпионлар Лигаси 2026/27 йилги мавсум финали Мадридда ўтказилиши мумкин
11 sep 14:27
News

Чемпионлар Лигаси 2026/27 йилги мавсум финали Мадридда ўтказилиши мумкин

Мадриддаги "Атлетико"нинг уй стадиони "Рияд Эйр Метрополитано" 2026/27 йилги мавсумда Чемпионлар Лигасининг финал учрашувига мезбонлик қилиш эҳтимоли бор.

Бу ҳақда COPE радиостанцияси хабар берди.

Манбага кўра, Европа футбол ассоциациялари иттифоқи (УEФА) бу қарорни 11 сентябрь куни бўлиб ўтадиган ижроия қўмита йиғилишидан сўнг эълон қилади.

"Метрополитано" стадиони 1993 йилда қурилган, реконструкция ишлари 2017 йилда якунланган. Арена 70 692 томошабинга мўлжалланган. 2019 йилда "Атлетико"нинг уй стадиони Чемпионлар Лигаси финалига мезбонлик қилган, ўшанда "Ливерпуль" ва "Тоттенхэм" соврин учун ўйинда тўқнаш келган (2:0).