Эдерсон: "Карло Анчелотти Бразилияни бошқариш имконияти юқори. Уни ҳамма яхши кўради"

"Мен бу борада Каземиро, Винисиус ва Милитао билан гаплашдим. Уларнинг фикрича, Карло ўзгача, бетакрор ва муваффақиятли мураббий. Уни ҳамма яхши кўради. Яқинда ҳаммаси аниқ бўлади.

Албатта, у терма жамоа бошқарувини қўлга олиш имконияти юқори ва биз бу тезроқ амалга ошиши тарафдоримиз.

Биз Гвардиола билан уни Бразилия термасига таклиф қилиниши ҳақида хазиллашиб, муҳокама қилгандик, аммо Пеп бунинг имкони йўқлигини айтди. У яқинда шартномасини икки йилга узайтирди ва ҳеч қандай бошқа вариант йўқлигини айтди, – дея "Манчестер Сити" дарвозабони сўзларидан иқтибос келтирди UOL.