Бобур Йўлдошев: “Мавсумни яхши ниятлар билан бошлаймиз, мухлислар ўтган йилгидан кўпроғини кутишади”

- Чигалёзди машғулотларни алоҳида олиб бордингиз. Жароҳат борми?

-  Озгина жароҳат бор. Охирги ўйин оёғимнинг орқа сон қисмида оғриқ бўлди. Шу боис алоҳида шуғулланяпман. 

- Бир ой йиғин учун кўп эмасми?

- Орада 3 кун дам берилди. Шу ерда бўлдик, шаҳар айландик. 

- “Оренбург” билан ўйин ҳақида...

- Бундай кучли жамоалар билан ўйнаган яхшироқ. Кучсиз рақиблардан кўра кучлиси билан ўзимизни синаганимиз тўғри. Суперлигада ҳам осон рақиб бўлмайди. Ҳар бир ўйин жанг.

- Янги мавсумдан кутилмалар қандай?

- Мавсумни яхши ниятлар билан бошлаймиз. Ўтган йилги натижаларимиз маълум. Мухлислар янада кўпроғини истайди.