"Бавария" Канселуни ортга қайтармоқчи

Германиянинг "Бавария" клуби Англиянинг "Манчестер Сити" жамоаси ҳимоячиси Жоау Канселуни қайтармоқчи, деб хабар бермоқда "Relevo".

29 ёшли Канселунинг трансфери учун "Бавария" португалиялик ижара асосида ўйнаётган Испаниянинг "Барселона" клуби билан рақобатлашиши керак. "Кўк-анорранглилар" ҳимоячини 30 миллион еврога сотиб олишга тайёр, "Сити" эса 40-50 миллион евро талаб қилмоқда.

Жоао Канселу жорий мавсум "Барселона" либосида 33 та ўйинда қатнашиб, 4 та гол урди ва 4 та голга ассистентлик қилди.