"Барселона"да жароҳатланганлар сафига яна бир футболчи қўшилди

Учрашувнинг бош қаҳрамони Роберт Левандовски хет-трик қайд этиб, жамоасига уч очко келтирди.

Бироқ бу ўйин Ханси Флик учун кадрлар йўқотишларисиз бўлмади. Ўйинни асосий таркибда бошлаган Ферран Торрес учрашув бошланганидан атиги 5 дақиқа ўтиб майдонни тарк этишга мажбур бўлди. "Mundo Deportivo" хабарига кўра, ҳужумчига сон жароҳати ташхиси қўйилган, бироқ унинг қанчалик жиддий эканлиги ҳозирча малум эмас.

Қайд этиш жоиз, Торрес Марк Берналь, Марк-Андре тер Штеген, Рональд Араухо, Андреас Кристенсен, Фермин Лопес, Дани Ольмо ва Гавидан иборат жароҳат олган футболчилар рўйхатига қўшилди.