"Барселона" Дани Алвеснинг дисквалификацияси бўйича шикоят қилмоқчи

Бразилиялик футболчи "Атлетико" (4:2)га қарши Испания чемпионати 23-тур доирасидаги ўйинда қизил карточка олди.

"Барселона" Дани Алвеснинг "Атлетико"га қарши ўйиндаги қизил карточкаси учун олган икки ўйинлик дисквалификацияси устидан шикоят қилади", - дейилади Каталония клуби хабарида.

Футболчи Ла Лига доирасидаги "Эспаньол" ва "Валенсия"га қарши ўйинларни ўтказиб юборади.

38 ёшли Алвес жорий мавсум Ла Лига доирасидаги 2та ўйинда майдонга тушиб, 1та гол ва 2та ассист қайд этди.