Асрор Алиқулов: "Бундай ўйинларга савиялироқ ҳакам тайинланиши керак"

- Ўйин ҳақида...

- Рақиб жамоа қарши ҳужумларда хавфли эди. Узун бўйга ва юқори тезликка эга Анвар Хожимирзаев шу тактиканинг бир бўлаги эди. Биз бунга қарши тайёргарлик кўргандик. Афсуски, биринчи бўлимда шундай ҳолатда гол ўтказиб юбордик. Иккинчи бўлимда ҳужумчисиз ҳаракат қилдик. Шу боис, кам сонли вазиятлар яратиб, гол ура олмадик. "Қўқон-1912"даги футболчиларнинг тажрибаси ҳам қўл келди. Кўпроқ ўзимизда айб қидиришимиз керак. Лекин очко ўта муҳим бўлган ўйинларга савиялироқ ҳакам тайинланиши керак.

- Ҳакамлардан норозимисиз...

- Ўйинда бу кўриниб турганди. Мухлислар реакциясидан ҳам сезиш мумкин. Шу боис бундай курашувчан жамоалар иштирокидаги ўйинларга яхшироқ ҳакам тайинланган маъқул. Мен унинг савиясини баҳоламоқчи эмасман. Лекин ўз ишини қойилмақом бажарди, дея олмайман. 

- Легионерларнинг ўйини сизни қониқтирдими?

- Уларда танишув жараёни кетмоқда. Улар бундан ҳам яхшироқ ҳаракат қилиши мумкин. 

- Жамоа олдига қандай мақсад қўйилган?

- Мен ўзимни янги ҳисобламайман, чунки "Машъал" менга қадрдон жамоа ҳисобланади. Олдимизга Суперлигага чиқиш вазифаси қўйилган. Ҳомийларга ҳам миннатдорчилик билдирамиз. Улар бизни қўллаб-қувватлаяпти.