"Арсенал" учун янги муаммо: Артета футболчиларининг жароҳати ҳақида гапирди

"Канонирлар" 2:1 ҳисобида ғалаба қозонди, аммо бу ғалабага италиялик футболчи, шунингдек, Леандро Троссарднинг жароҳати соя солди.

Калафьори сонининг орқа қисмида ноқулайлик ҳис қилди ва финал ҳуштагига 15 дақиқа қолганида алмаштирилди. Бош мураббий Микель Артетанинг айтишича, футболчи ўйинни давом эттира олмаган, худди шу ҳолат Троссардга ҳам тегишли.

"Уларда кичик муаммолар бор эди ва иккиси ҳам майдонда ўзини ноқулай ҳис қилаётганди. Биз бундай ҳолат бўлиши мумкинлигини билардик, айниқса, ўйин шароитларини ҳисобга олганда, шунинг учун уларни алмаштиришга қарор қилдик", – деб тушунтирди Артета.

Калафьорининг ҳолати Италия терма жамоасини ҳам ташвишга солмоқда. Женнаро Гаттузо қўл остидаги жамоа 26 март куни бўлиб ўтадиган Жаҳон чемпионати саралашининг плей-оффи ярим финалида Шимолий Ирландияга қарши ўйинга тайёрланмоқда.