"Ал-Ҳилол"нинг "Насаф"га қарши ўйинни ўтказиб юборадиган футболчилари маълум бўлди
28 sep 2025 14:58
News

"Ал-Ҳилол"нинг "Насаф"га қарши ўйинни ўтказиб юборадиган футболчилари маълум бўлди

Саудия Арабистонининг "Ал-Ҳилол" клуби кеча Қаршининг "Насаф" жамоасига қарши элит Чемпионлар лигаси ўйини учун Ўзбекистонга ташриф буюрди.

Учрашув 29 сентябрь куни соат 18:45да Қаршидаги "Марказий" стадионда бўлиб ўтади. Бугун маҳаллий вақт билан соат 17:00да жамоа бош мураббийи Симоне Индзаги ва футболчилардан бири иштирокида ўйинолди матбуот анжумани ўтказилиши режалаштирилган.

Шу билан бирга, "Ал-Ҳилол"нинг бир нечта асосий футболчилари "аждарлар"га қарши баҳсда иштирок эта олмайди. Клуб матбуот ҳизмати эълон қилишича, Салем Ал-Давсари, Абдуллоҳ Ал-Малки, Жоау Канселу ва Дарвин Нунес клуб базасида индивидуал реабилитация дастурлари бўйича даволанишни давом эттирмоқда. Улар жамоа билан бирга учиб келмаган ва "Насаф" билан учрашувни ўтказиб юбориши аниқ.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4