Агуэро Мессининг ҳурмати учун “Барса”да 10-рақамни танламади

Лионель Месси клубни тарк этгач, каталонияликлар раҳбарияти Агуэрога 10-рақам остида тўп тепишни таклиф этганди. Аммо ҳужумчи Леога бўлган ҳурмати юзасидан ушбу рақамни олишни рад этди.

“Улар менга ушбу рақам остида тўп тепишим мумкинлигини айтишди. Амммо Лео менинг дўстим бўлганлиги учун бу таклифга рози бўлмадим”, деди Агуэро.

Серхио “Барса”да 19-рақамда тўп тепади. У аввалги жамоаси “Манчестер Сити”да 10-рақамда ўйнаган.

Месси жамоани тарк этгач, унинг 10- рақамида бу мавсумдан Ансу Фати ҳаракатланади. Лионель 2008-2009 йилги мавсумдан буён Каталония клубида 10-рақамда тўп тепиб келганди.