Аднан Янузай: "Мен "Манчестер Юнайтед"да бахтлиман"

"Хозир ҳаммаси яхши кетмоқда. Бошида мен "Юнайтед" учун ўйнашни хоҳлардим ва мен бу имкониятга эга бўлдим. Мен охирги ўйинда иккита гол ура олганимдан хурсандман. Йигитлар бунга жуда яхши муносабатда бўлишди, шунинг учун ҳам дублга эришганимдан жуда хурсандман. Мен машғулотларда қаттиқ мехнат қилдим ва мураббийимиз менга имкон берди".

"Умид қиламанки бу мавсум муваффақиятли бўлади. Мен "Манчестер Юнайтед"га боримни беришни хоҳлайман ва дунёнинг энг кучли футболчиси бўлишни орзу қиламан. Ван Перси, Патрис Эвра ва барча ўйинчилар ёрдам беришяпти ва мени қўллаб-қувватлашяпти".

"Мен Райан Гиггздан жуда ҳам кўп ўрганяпман, чунки биз бир хил позицияда ўйнаймиз ва мен ҳар доим ундан маслаҳат сўраб тураман. Шунингдек менда сер Алекс билан ҳам яхши муносабатлар бор эди ва у менга биринчи жамоага ўтишимга имкон берган".

"Мен иккита гол урганимдан бахтлиман ва ўйиннинг энг яхши ўйинчиси бўлганимдан ҳам жуда хурсандман ва энди кейинги ўйинда ҳам ўйнай оламанми йўқми кутаман. "Юнайтед" учун ўйнайман ва "Юнайтед"га боримни бераман".

"Косоволик муҳлислардан мени қўллаб-қувватлашаётгани учун миннатдорман. Биз отам билан бу ерга оиламиз билан кўришиш учун келдик, мен ҳар доим Косово билан алоқада бўлиб тураман. Биз отам билан бирга қайси термада ўйнашни мухокама қилиб турамиз, лекин хозир фақат "Юнайтед" хақида ўйламоқдаман". 

"Бор кучим билан мехнат қилмоқдаман ва жамоа билан биргаликда муваффақият қозонишни хоҳлайман. Менинг ўйлашимча бу мавсумда соврин ютишга кучимиз етади".