23 та қизил карточка ва оммавий муштлашув: Халк финалдаги даҳшатли ҳолатда ҳакамни айблади

Финалдаги антирекорд ва муштлашув:

Учрашув бош ҳаками Матеус Кандансан ўйин якунида юзага келган тартибсизликлар сабабли жами 23 та қизил карточка кўрсатди. Майдондан четлатилганлар орасида Россиянинг "Зенит" клуби собиқ футболчилари Жерсон Сантос, Матео Кассьерра ва Халкнинг ўзи ҳам бор эди.

Халкнинг эътирози:

Бразилиялик тажрибали ҳужумчининг таъкидлашича, вазият назоратдан чиқиб кетишига айнан ҳакамнинг қатъиятсизлиги сабаб бўлган:

"Мен ўйин бошидаёқ ҳакамга бунинг охири ёмонлик билан тугашини айтган эдим. У заррача ҳам характер кўрсата олмади. Агар бир, икки ёки уч кишини майдондан четлатиш керак бўлса — четлат! Аммо у финалда ишлаш учун жудаям қўрқиб кетганди", — деди Халк.

Шу тариқа, Минейро Лигаси финали футболдан кўра кўпроқ жанг майдонини эслатиб юборди ва тарихга энг қўпол ўйинлардан бири сифатида кирди.