Зидан "Реал"ни тарк этиши мумкин

"Marca" нашри хабарига кўра, бунга Поль Погбанинг амалга ошмаган трансфери сабаб бўлган. Франциялик футболчини олиб бера олмаётгани учун Флорентино Перес ва Зидан ўртасидаги муносабатлар ёмонлашган.

Шунингдек, ёз давомида Перес бош мураббий айтган бир неча керакли футболчилар ўрнига, ўзи истаган ўйинчиларни олиб келган.

Зидан "Реал"га келишидан олдин трансферлар сиёсатини ўзи юритишини талаб қилганди. Аммо ҳозирда бу ваколат унга берилмаяпти. Шу сабабли Зинедин "қироллик клуби"ни тарк этмоқчи.