"Ювентус" расмий сайтида Паоло Монтеро вақтинча бош мураббий этиб тайинланганини эълон қилди. Унинг қўл остида "бьянконери" "Болонья" (20 май) ва "Монца" (26 май) клубларига қарши ўйин ўтказади.
Мутахассис туринликлар шартномасини муддатидан аввал бекор қилган Массимилиано Аллегрини алмаштиради. "Ювентус" айни дамда А Серия турнир жадвалида 4-ўринни эгаллаб турибди.
Монтеро Турин клубида U-19 жамоасини ҳам бошқаради. У футболчи сифатида 1996 йилдан 2005 йилгача "Ювентус"да ўйнаган ва 10 та соврин ютган.
