"Ювентус" Влаховични Лукакуга алмаштиришга тайёр
01 авг 2023 13:23
Янгиликлар

"Ювентус" Влаховични Лукакуга алмаштиришга тайёр

"Ювентус" ҳужумчи Ромелу Лукакунинг Турин клубига ўтиши борасида "Челси" билан музокараларни давом эттирмоқда.

Жанлука Ди Марционинг сўзларига кўра, "Ювентус" Душан Влаховични Лондон клубига қўйиб юборишга тайёр, эвазига "кўклар" Лукаку учун камида 35 миллион евро қўшимча пул тўлайди. "Челси" аллақачон Влахович билан шахсий шартнома шартлари бўйича музокаралар олиб бормоқда.

Влахович 2022/23 йилги мавсум барча мусобақаларда 42 та ўйин ўтказиб, 14 та гол урган ва 4 та голли узатмани амалга оширган.

Лукаку ўтган мавсум ижара асосида "Интер"да ўйнаганди. Ҳужумчи барча мусобақаларда 37 та учрашувда 14 та тўп киритган ва 7 та голга ассистентлик қилган.

Ҳавола :

Манба : gianlucadimarzio.com

Янгиликларни Телеграмда ўқинг!

Рейтинг: +3