Ёзда ким мураббий бўлишидан қатъи назар "Манчестер Юнайтед" Кейнни олиб келмоқчи
29 мар 2022 00:35
Янгиликлар

Ёзда ким мураббий бўлишидан қатъи назар "Манчестер Юнайтед" Кейнни олиб келмоқчи

"Манчестер Юнайтед" ёзда Харри Кейн билан шартнома имзоламоқчи.

"The Athletic" хабарига кўра, манкунианликлар раҳбарияти ёзда ҳужум чизиғини кучайтиришни жиддий мақсад қилиб қўйган. Эҳтимолий вариантлар орасида "Тоттенхэм" ҳужумчиси Харри Кейн ҳам бор.

Ўтган ёзда "Юнайтед"нинг собиқ вице-президенти Эд Вудворд "Тоттенхэм" президенти Даниэль Леви билан бу борада музокаралар олиб борган. Аммо Жейдон Санчо учун 73 миллион фунт тўлаганидан кейин клубда Кейнни сотиб олиш учун маблағ қолмаган.

Шартномаси 2024 йил ёзида якунланадиган Кейннинг сотиб юборилиш эхтимоли ошмоқда. Агарда томонлар шартномани узайтиришни истамаса, "Тоттенхэм" фақатгина 2022 йил ёзидагина уни каттароқ суммага сотиб юбориши мумкин бўлади. "Юнайтед" эса трансфер учун 100 миллион фунт таклиф қилмоқда.

Ҳозирча "Манчестер Юнайтед" янги мавсум учун бош мураббийни аниқлаб олмаган. Аммо ким мураббий бўлиб келишидан қатъи назар клуб Кейн билан шартнома имзолашга уриниб кўради.

Ушбу мавсумда Кейн "Тоттенхэм" таркибида 41 ўйинда қатнашиб, 22 гол урди.

Ҳавола :

Манба : The Athletic

Янгиликларни Телеграмда ўқинг!

Рейтинг: +2