UZ

Сўнгги янгиликлар

11:35Нкунку "Челси"ни тарк этади?!  1 11:07МЮ “Реал“ футболчига 90 миллион таклиф қилди  3 10:43“Реал Мадрид“ни трансфер ойнаси якунига қадар 4 нафар футболчи тарк этиши мумкин  12 10:20Жозе Моуринью “Арсенал“ ҳужумчисини “Фенербахче“га ўтишга кўндирди  1 09:51Биринчи даврани “Локомотив“да ўтказган ҳимоячи ОКМК йиғинига қўшилди  1 09:23МЮнинг асосий дарвозабони узоқ муддатга сафдан чиқди  5 08:54“Шўртан“ сардори Ҳиндистон жамоасига кўчиб ўтди  3 08:25Аббосбек Файзуллаев: “Краснодар“ билан ўйин менинг ЦСКАдаги охирги ўйиним бўлганми ёки йўқлигини ўзим ҳам билмайман“  5 07:58Ўзбекистон МТЖнинг яна бир аъзоси фаолиятини Эронда давом эттириши мумкин  9 07:27Россия Суперкубогини қўлга киритган Файзуллаев учрашувдан сўнг нималар деди?  2 07:25“Андижон” польшалик ҳимоячи билан шартнома имзолади  2 07:00“Истиқлол“ бош мураббийи яна бир ўзбекистонлик футболчи билан шартнома тузишни истамоқда  6 02:34"Спортинг" раҳбари Гёкерешнинг йиғинга келмагани ҳақида: "Даҳолар босим ўтказиш орқали трансферни осонлаштирамиз деб ўйлашади, аммо бу уни қийинлаштиради. Ҳаммаси катта жарима ва кечирим сўраш билан ҳал бўлади"  1 00:55Футзал. "Қизилқум" ўтиш ўйинида "Пахтакор"ни мағлуб этиб, Олий лигага йўлланма олди  1 00:22"Челси"га Доннарумма ёқади. Футболчи КЖЧдан сўнг битим борасида қарор қабул қилади  3

Ёшларга эътибор берган "Мадрид" сиёсати иш беришни бошлади Янгиликлар

Ёшларга эътибор берган "Мадрид" сиёсати иш беришни бошлади

Теглар :  "Реал Мадрид"
"Мадрид" ишонч билдирган ёш иқтидорлар нафақат майдонда, балки иқтисодий томондан ҳам фойда келтира бошлади.

"Қаймоқранглилар" клуб сиёсатини ўзгартириб, келажакда жаҳон футболи юлдузи бўлиши кутилаётган спортчиларни ёшлигидаёқ харид қилмоқда. Авваллари биз "Реал" жаҳон юлдузи бўлиб

улгурган, тайёр футболчиларни сотиб олаверишига ўргангандик. Охирги йилларда бу жиҳат ўзгарганини бошқа клуб мухлислари ҳам сезишгани бор гап.

"Мадрид" асосий таркибидаги 25 футболчини ҳисобга олмаганда, ижарага бериб юборилган 11 футболчи ва Рейньер (ҳали асосий таркибга жалб этилмаяпти)дан 11 нафари 20 ёш ёки ундан аввалроқ "Мадрид" футболчисига айланган. Умумий ҳисобда "Қироллик клуби" бу футболчилар учун 175,7 миллион евро сарфлаган. Бугунги кунда эса Transfermarkt маълумотларига таянадиган бўлсак, ўша футболчиларнинг умумий қиймати 355,5 миллионга тенг: агар "Мадрид" коронавирус туфайлими ё бошқа сабаб, бирданига шу футболчиларни расмий нархларида сотиб юборса 179,8 миллион евро соф фойда қолади. Ваҳоланки, вақтида "Реал" нима учун буткул нотаниш футболчига бунча маблағ сарфлаяпти деганлар ҳам бўлганди.

Ўша футболчилардан баъзилари, мисол учун Винисиус (45 миллион евро) ва Родриго (50 миллион евро)га "Мадрид" ҳозирнинг ўзида имконият бермоқда. Ҳа, улар доим ҳам бирга майдонга тушмаяпти, баъзан ўйин қайдномасига ҳам киритилмаяпти. Аммо нима бўлганда ҳам улар ишончни оқлай олмоқда ва яқин келажакда жаҳон футболи юлдузи бўлишига умид ҳамон бор. Буни уларнинг расмий нархи 50 миллион евролигича қолаётгани ҳам исботлайди.

Марко Асенсио, Эдегор ва Вальвердени алоҳида тилга олиш лозим: бу уч футболчи 3,5, 2,8 ва 5 миллион евро эвазига клубга келишган. Энди уларнинг трансфер нархи 40, 50 ва 60 млн туради: "Мадрид" бу футболчиларнинг сотувидан ортиқча қийинчиликларсиз 100 миллион евро ишлаб олиши мумкин. Бу рақамлар янада кўпроқ бўлиши мумкин эди, лекин ёзда жиддий жароҳат олгани сабабли Асенсионинг нархи тушиб кетди. Transfermarkt маълумотига кўра, 2018 йил унинг трансфер қиймати 90 миллион евро эди.

Дани Себальос вақтида 15 миллион еврога сотиб олинганди, ҳозир у таҳминан 40 млн туради, текинга клубга келган Кубога 15 миллион бераман деган харидорлар бор. Қизиқарли бир факт, ҳозирча фаолияти кўнгилдагидек кетмаётган Вальехонинг ҳам нархи кўтарилган: у 5 миллион евро эвазига харид қилинган бўлса, ҳозирги нархи - 7,5 млн евро.

Албатта, трансфер нархи тушган футболчилар ҳам йўқ эмас. Рейньер Жезус 30 миллион еврога сотиб олинган, ҳозир эса - 25, "Манчестер Сити"дан келган Браим Диаснинг нархи ҳам салбий томонга ўзгарган 20-15. Улар ҳали жуда ёш ва келажаклари олдинда. Бразилиялик асосий жамоага ўтказилиши биланоқ нархи ҳам кўтарилади.

Дарвозабон Андрей Луниннинг трансфер қиймати ҳам кескин тушган, лекин у "Реал Овьедо"да ўзига кела бошлади ва мунтазам ўйин амалиётига эга бўлмоқда. 

Клубнинг янги фалсафаси энди иш бера бошлагандек, аммо ҳали аниқ баҳо беришга эртадек. Футболчилар ўсиб бориши билан, яқин йиллар ичида "Мадрид" таркибининг нархи мунтазам равишда ошиб боради. Ҳар ҳолда ҳозирча барчаси яхши кетяпти. 


Омонжон Тўхтамирзаев тайёрлади

Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика