Ёшлар ўртасидаги ЕЧЛ. ПСЖ – "Реал" ўртасидаги тўқнашувда Симонс гол урди
19 сен 2019 22:50
Янгиликлар

Ёшлар ўртасидаги ЕЧЛ. ПСЖ – "Реал" ўртасидаги тўқнашувда Симонс гол урди

Ёшлар ўртасидаги (U-19) Европа Чемпионлар Лигасининг янги мавсумига старт берилди.

«А» квартетидан ўрин олган илк тур баҳсида ПСЖ – «Реал» жамоалари ўзаро тўқнаш келди. «Қироллик клуби» тарбияланувчилари асосий жамоадан фарқли равишда парижликларни меҳмонда мағлуб (2:1) этишди.

Баҳсда ҳисобни эса 43 дақиқада Хави Симонс очди. «Реал» эса Хорди ҳамда Карлос Гонзалеснинг голлари эвазига устунликни ўз томонига оғдирди. Айтиш жоизки, 16 ёшли Симонс ПСЖнинг ёшлар таркибида 4та ўйин ўтказиб, 2+1 натижага эришишга улгурди.