Хосе Луис Родригес: "Доминикан Республикасига қарши бироз қийналгандик. Ўзбекистон билан ўйинда эса..."
14 окт 2025 16:33
Янгиликлар

Хосе Луис Родригес: "Доминикан Республикасига қарши бироз қийналгандик. Ўзбекистон билан ўйинда эса..."

Уругвай терма жамоаси ҳимоячиси Хосе Луис Родригес Ўзбекистон устидан қозонилган ғалабадан сўнг (2:1) ўйин ҳақидаги фикрлари билан ўртоқлашди.

"Иссиқ иқлим ва намлик туфайли бироз толиқиш аломатлари сезилди. Жамоамиз аъзолари кўп тер тўкишига тўғри келди.

Жаҳон чемпионатида иштирок этишни ҳар бир футболчи орзу қилади. Шунга яраша тайёргарлик кўради. Мазкур йиғин юқори тажрибага эга бўлмаган футболчилар учун ўйин амалиётига эга бўлишга ёрдам берди.

Доминикан Республикасига қарши йиғин доирасидаги илк учрашувда бироз қийналгандик. Ўзбекистон билан ўйинда эса ҳамжиҳатликка эриша олдик", – деди 28 ёшли футболчи.

Ҳавола :

Манба : AUF TV

Янгиликларни Телеграмда ўқинг!

Рейтинг: +5