Хитой ҳукумати Аргентина терма жамоасининг ўртоқлик учрашувлари бўйича расмий баёнот берди

 Бу ҳақида Ханчоу спорт қўмитаси расмий баёнот берди.

“Маълум сабабларга кўра, ваколатли органлар Аргентина терма жамоаси иштирокида ўйин ўтказиш учун шароит йўқ деган хулосага келишди. Шу сабабли март ойидаги ўртоқлик учрашувларини Хитойда ўтказмаслик бўйича қарор қабул қилинди”, — дейилади расмий хабарда.

Эслатиб ўтамиз, аввалроқ Мессининг Гонконг юлдузлар терма жамоасига қарши ўртоқлик учрашувида майдонга тушмагани сабабли Аргентинанинг Нигерия ва Кот-дʼИвуарга қарши март ойида бўлиши лозим бўлган учрашувларни бекор қилмоқчи эканлиги хабар қилинганди.