"Реал Мадрид"даги йўқотишлар ҳеч кимга сир эмас. Қўшимчасига, ЕЧЛ 1/4 финали баҳсларидан кейин Вальверде, Бензема ва Винисиус ҳам жисмонан 100% тайёр эмасликлари маълум қилинганди.
"Қироллик клуби" тарбияланувчиси ҳисобланган Виктор Чуст эса сўнгги ҳафта давомида тўлиқ асосий таркиб вакиллари билан машғулот олиб борди. "Хетафе"га қарши бўлажак учрашувда ҳимоя марказида катта эҳтимол билан Милитаога шерик сифатида айнан Чустни кўрсак ажаб эмас.
Чемпионлик учун курашаётган "Реал"га бундай жуфтлик панд бериб қўймасмикин, эртага тунда билиб оламиз.
