Хедира: “Роналду — футбол тарихидаги энг яхши ўйинчилардан бири”

“Криштиану — ажойиб футболчи ва қойилмақом инсон. Мен у билан қарийб 7 йилдан бери бирга тўп тепяпман. Беш йил “Реал”да ва мана икки йил “Ювентус”да. Мен уни футбол тарихидаги энг яхшиларидан бири деб ҳисоблайман. Буни фақат унинг қобилиятларидан келиб чиқиб айтмаяпман. Характери ҳам шуни кўрсатиб турибди. У ҳар доим ғалаба қозонишни хоҳлайди, ҳатто машғулотларда ҳам. У барча учун ҳақиқий намуна. У билан бирга шуғулланиш имкониятига эга бўлганимдан жуда ҳам хурсандман”, — дейди Хедира.

Маълумот учун, Роналду жорий мавсум А Cерияда 24 та ўйинда 21 та гол уриб, 3 та голли узатма берди.