"Марсель" биринчи голни 6-дақиқада ўтказиб юборди. Манданда жарима зарбасидан берилган тўпни қўлида ушлаб қола олмади.
"Мағлубият учун барча масъулиятни бўйнимга оламан. Бундай гол ўтказмаслигим керак эди. 0:1 ҳисобида мағлуб бўлаётиб, ғалаба қозониш жуда қийин. Бугун дарвозабонлар асосий ролда бўлишди. Ҳамма яхши ўйнаган Антони Лопеш ва ўз вазифасини уддалай олмаган Стив Мандандани кўришди. Бу "Марсель"нинг мағлубиятига сабаб бўлди. Рақобатчиларга етиб олиш учун бизда вақт бор" - дейди Манданда.
