"Эвертон" ярим ҳимоячиси Хамес Родригес шу ёзнинг ўзида клубдан кетиш ниятида. Liverpool Echo нашрининг хабар беришича, Хамес янги мураббий Рафаэль Бенитеснинг режаларига кирмаяпти. Футболчига "Милан" қизиқмоқда. Агар яхши таклиф тушадиган бўлса, "Эвертон" футболчини сотиб юборишга тайёр.
30 ёшли Родригес ўтган мавсумда "Эвертон" учун 26 учрашувда қатнашиб, 6 та гол урган ва 9 та голли узатмани амалга оширган. Унинг клуб билан келишуви 2022 йилнинг ёзигача амал қилади.
