"Хаби билан бутун футбол оламини ҳайратга солган жамоани шакллантирдик" — "Байер" спорт директори
10 май 2025 14:27
Янгиликлар

"Хаби билан бутун футбол оламини ҳайратга солган жамоани шакллантирдик" — "Байер" спорт директори

"Байер" спорт директори Симон Рольфес жамоа бош мураббийи Хаби Алонсонинг жорий мавсум якунида кетиши тўғрисида фикрини баён этди.

"Алонсо – "Байер"нинг ривожланишида ҳақиқий бурилиш нуқтаси. Хаби билан бирга майдондаги ўйини ва руҳияти билан бутун футбол оламини ҳайратга солган жамоани шакллантирдик. Биз эришган улкан ютуқлар ва клубнинг бугунги кундаги мавқеи билан фахрланамиз ҳамда унга келажакдаги фаолиятида омад тилаймиз. Ишончим комилки, йўлларимиз яна кўп бор кесишади", – деди Рольфес.

Эслатиб ўтамиз, Хаби Алонсо кеча "Байер"дан кетаётганини расман эълон қилди. У "Реал" билан 3 йиллик шартнома тузиши кутилмоқда.

Ҳавола :

Манба : bayer04.de

Янгиликларни Телеграмда ўқинг!

Рейтинг: +4