Виссам Ризқ: "Насаф"га қарши ўйинга юз фоиз тайёрмиз ва плей-офф йўлланмаси учун курашамиз"
04 дек 2023 12:20
Янгиликлар

Виссам Ризқ: "Насаф"га қарши ўйинга юз фоиз тайёрмиз ва плей-офф йўлланмаси учун курашамиз"

Бугун Осиё чемпионлар лигаси гуруҳ босқич 6-тури доирасида "Насаф" сафарда "Ал Садд" билан куч синашади.

Қаршиликлар 10 очко билан гуруҳ етакчиси бўлиб турган бўлса, 3-ўриндаги "Ал Садд" 7 очкога эга. Ҳар икки клуб плей-офф йўлланмасини қўлга киритиш учун имкониятга эга.

"Насаф"га қарши ўйинда уч очко учун майдонга тушамиз. Биламизки, рақибимиз ҳозирда гуруҳ пешқадами ҳисобланади. Шунга қарамай, мақсадимиз — уч очко қўлга киритиш. Жамоамиз бўлажак ўйинга юз фоиз тайёр ва биз плей-офф йўлланмаси учун интиламиз. Шоширдларимда ўзига хос менталитет мавжуд. Уларга сўнгги ўйинлардаги меҳнати учун миннатдорчилик билдираман. Айниқса, жамоа сардори Ҳассан ал Ҳайдосни алоҳида таъкидлаб ўтмоқчиман, охирги ўйинларда унинг жамоадаги роли беқиёс. "Насаф" биринчи ўринда бормоқда, улар ўзига хос жиҳатларга эга. Бироқ биз бўлажак учрашувга тайёрмиз, ўз кучимизга ишонамиз ва плей-оффга йўл олишга умид қиламиз", - деди Виссам Ризқ.

"Насаф" билан тўқнаш келишга тайёрмиз ва бор кучимиз билан ҳаракат қиламиз. Барча жамоаларда гуруҳдан чиқиш имконияти мавжуд эканлигини инобатга олсак, қийин ўйин ўтказамиз. Умид қиламанки, нимчорак финал йўлланмасини ижобий ҳал қиламиз. Бўлажак учрашувда мухлисларнинг қўллаб-қувватлови бизни олдинга ундаш учун хизмат қилади", - деди Ҳассан ал Ҳайдос.

Эслатиб ўтамиз, "Ал Садд" - "Насаф" беллашуви Ўзбекистон вақти билан 21:00да старт олади.

Аль-Садд

Матеус Урибе - 5', Baghdad Bounedjah - 90'

Лига чемпионов АФК. Группа B . 6-тур

04/12/2023, 21:00

Тугади

Насаф Карши

Джамбул Джигаури - 83', Джамбул Джигаури - 90'

45'

90'