ВИДЕО. Санжар Турсунов: "Ҳамма жамоа билан ўйнаса бўлади"

Саудия Арабистони билан ўйинда Хитой ўзининг "буюк деворини" ҳимояга қўйди. Тўп олиб берувчининг маслаҳати билан пенальтини қайтарди. Шу куни омад очиқчасига шарқликларга кулиб боқди.

- Ўйиндан кейинги тикланиш жараёнимиздан қониқиш хосил қилса бўлади. Фақат бугун машғулотда ёмғир ёққанлиги учун тўлиқ куч билан шуғулланишга имкон бўлмади. Ўйинга қадар 100% тайёр бўламиз.

- Жиққа ҳўл майсада шуғулланиш қийинчилик туғдирмадими?
- Қийин бўлди, машғулотнинг бошидан охиригача қийналдик.

- Саудия Арабистони - Хитой ўйинида томонларнинг кучини тенг баҳолаганимиз билан араблар фаворитдек кўринган эди...
- Ўйлашимча, Хитойнинг ҳимояси яхши ҳаракат қилди ва қарши ҳужумда ҳам ўйнади. Шунинг учун уларга жиддий рақиб сифатида қарашимиз керак. Биринчи тур ўйинларига келсак, ким биринчи гол урса ўша ютарди.



- Хитойни шу ўйинидан келиб чиқсак, 2-тур баҳси ҳам худди КХДР билан баҳсга ўхшаш бўлади дейиш мумкинми?
- Ҳар бир жамоа ўз рақибига қарши турли тактикаларни танлаши мумкин. Хитойни яхшилаб ўрганишда давом этамиз. Балки улар бизга қарши бошқа тактикада майдонга чиқишар.

- КХДР билан ўйинни эсласак, иккита яхши имкониятга эга бўлдингиз, аммо... Хатоларни кўриб чиқдингизми?
- Хатодан тўғри хулоса чиқарган ҳолда кейинги ўйинда шундай вазиятда яхшироқ ҳаракат қилишга уринаман.

- "А" гуруҳидаги натижалар биз учун аҳамиятсиз эмас, Австралия ва Ж.Корея, қайси бири қизиқроқ кўринди?
- Австралия - Уммон ўйинини кўрдик. Австралияни аъло даражада таассурот қолдирди деб айта олмайман. Ҳамма билан ўйнаса бўлади, аввал гуруҳдан чиқиб олайлик, кейин бу ҳақда ўйлаймиз.


Нодирхўжа Юлдашев



TAS-IX ҳудудида


TAS-IX эмас