"УзРепорт ТВ" телеканалининг Евро-2016 футбол учрашувларини сунъий йўлдош орқали трансляция қилиш бўйича эълони

Телеканал техник ходимлари тез орада географик чеклов тизимини ишга тушириши кутилмоқда. Бу чеклов ишга тушганидан сўнг юртимиздаги футбол мухлислари Евро-2016 учрашувларини Ямал 401 сунъий йўлодоши орқали “УзРепорт ТВ” телеканалида томоша қилишда давом этишлари мумкин бўлади. 

УЕФА томонидан бундай талаб қўйилишининг сабаби, сунъий йўлдош сигнали Ўзбекистон ҳудудидан ташқари яна қўшни давлатлар ва бошқа хорижий давлатлар ҳудудларини ҳам қамраб олаётганлиги бўлди. Маълум бўлишича, УЕФА томонидан бундай чоралар Тожикистон ва Туркманистон телеканалларига нисбатан ҳам қўлланилган.

Шу билан бирга, қайд этиш жоизки, ЯМАЛ 401 сунъий йўлдоши орқали Евро-2016 мусобақаларини томоша қилаётган мухлислар футбол ўйинларини эртаси куни соат 17:00да такрорий эфирда томоша қилишлари мумкин бўлади.

Эслатиб ўтамиз, «УзРепорт ТВ» телеканалини кабел телевидениеси (ЎКТ), шунингдек, “UzDigital TV”, «Stars TV», «IPTV» абонентлари ҳамда www.медиабай.тв Интернет-ресурси фойдаланувчилари томоша қилиш имконига эгалар.

Бундан ташқари, Евро-2016 учрашувларини қуйидаги ҳудудий телеканаллар орқали томоша қилиш ҳам мумкин: “Водий Садоси Ёшлар телерадиокомпанияси” (ЁТРК), “Мулоқот ТВ” (Қўқон), “Рухсор ТВ”, “Марғилон ТВ” (Марғилон), “Жиззах ТВ” (Жиззах), СТВ (Самарқанд), “Истиқлол ТВ” (Бухоро), “Насаф ТВ” (Қарши), “Ишонч ТВ” (Термиз), “Элликқалъа ТВ” (Қорақалпоғистон).