"Кержаков "Истиқлол" билан музокара ўтказди, аммо клуб Лазаревични танлади"

"Никола Лазаревич - "Истиқлол" бош мураббийи бўлади. У клубга икки нафар сербиялик ёрдамчиси билан келади. "Истиқлол"да дарвозабонлар мураббийи бўлиб ишлаб келаётган Дмитрий Тяпушкин ўз лавозимида қолади. Тожикистонлик собиқ футболчи Дилшод Восиев ҳам унинг мураббийлар штабига киради. Лазаревич Ўзбекистонда "Қизилқум" клубидаги фаолияти билан мухлисларга яхши таниш.

"Истиқлол" клуби шорт-листида бир қатор мураббийлар бор эди. Булар: "Пахтакор" собиқ устози Славче Войнески, сербиялик Милан Миланович ҳамда россиялик собиқ ҳужумчи Александр Кержаков.

Маълумот учун, Александр Кержаков бўйича музокараларни ўзбекистонлик футбол мутахассиси Улуғбек Мирзаев олиб борган. Мирзаев россиялик собиқ футболчи билан анча йиллардан буён яхши таниш экан. Кержаков Ўзбекистон Суперлигаси билан таққослаганда ўртача ойликка ишлашга рози бўлаётганди. Аммо "Истиқлол" раҳбарияти ўз вақтида Тожикистон чемпионатида ишлаш тажрибасига эга бўлган Лазаревич номзодида тўхтади. Кержаков ҳозирча ҳеч бир клубда иш бошламади ва оиласи билан Францияга дам олиш учун учиб кетди", - деб ёзади Нарзулла Сайдуллаев телеграмдаги ўз каналида.