UZ

Сўнгги янгиликлар

18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  5 17:28Суперлига. Тарихда илк бор аёл ҳакам бошқарган ўйинда 6 та гол урилди   11 17:00Суперлига. "Насаф" ўз майдонида "Динамо" билан дуранг ўйнаб мавсумни учинчи ўринда якунлади  35 16:59Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади  52 16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  11 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  2 15:39ЖЧ-2026 гуруҳ босқичига қачон қуръа ташланади?  4 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:17"Андижон" ярим ҳимоячиси кейинги мавсумни "Бунёдкор"да ўтказади   3 13:56Одил Абдумажидовга Кувайт ва Сербия клублари қизиқиб қолишди  1 13:16Суперлига. 30-турни қайси футболчилар ўтказиб юборади?  0 13:01Жамшид Искандеров: "Водийда чемпион бўлиш қийин"  6 12:43Гвардиола Силванинг "Манчестер Сити" билан янги шартномаси борасида фикр билдирди  1 12:15"Реал" янги ҳужумчи топди  4

Ucell билан Олимпиадага: Баҳодир Жалоловга иккинчи олтин медаль йўлида кимлар рақиб бўлиши мумкин? Янгиликлар

Ucell билан Олимпиадага: Баҳодир Жалоловга иккинчи олтин медаль йўлида кимлар рақиб бўлиши мумкин?

Париж-2024 Олимпиадаси бошланишига оз вақт қолмоқда.

Олимпия ўйинларида медаль тақдим этиши мумкин бўлган спортчиларимизнинг имкониятлари билан таништиришда давом этамиз. Аввалроқ Ҳасанбой Дўсматов ва Абдумалик Халоковнинг имкониятлари ҳақида гаплашгандик. 

Бугун Токио Олимпиадаси ва жаҳон чемпиони Баҳодир Жалоловнинг вазнидаги вазиятга "кўз югуртирамиз". 

Баҳодир Жалолов Париж Олимпиадасида энг оғир +92 вазн тоифасида иштирок этади. Мазкур вазн тоифасида Жалоловдан ташқари яна 15 нафар спортчи, умумий ҳисобда 16 нафар боксчи медаллар учун кураш олиб боради. 

Баҳодир Жалолов албатта ушбу вазн тоифасида яққол фаворит ҳисобланади. Аммо бу Олимпия ўйинлари ва унга оддий спортчилар келмаслигини инобатга олган ҳолда, унга кимлар асосий рақиб бўлиши мумкинлигини чамалаб кўрамиз. 


Қамшибек Конкабаев (Қозоғистон)

Баҳодирнинг узоқ йиллик принципиал рақиби. Бир неча йил олдин Қамшибек Баҳодир учун ноқулай рақиб ҳисобланарди. Аммо 2019 йилдан бошлаб ўзаро тўқнашувларда фақат Баҳодир Жалолов ғалаба қозониб келади. Ўзаро ҳисоб-китобларда ҳам Баҳодир анча олдинлаб кетган - 7:3. 

Боксчиларнинг сўнгги ўзаро жанги Ханчжоудаги Осиё ўйинлари финали доирасида ўтказилган ва унда Баҳодир Жалолов ғалаба қозониб, олтин медални қўлга киритганди. Қуръа бу сафарги Олимпия ўйинларида ҳам уларни ўзаро тўқнаштириши эҳтимоли катта. 


Маҳаммад Абдуллаев (Озарбайжон)

Супероғир вазн тоифасида медаль учун даъвогарлардан бири. Белград ва Тошкентда ўтказилган жаҳон чемпионатларида бронза медалини қўлга киритган. 2023 йилда Польшада ўтказилган Европа ўйинларида эса финалгача етиб бориш орқали Олимпиада йўлланмасини қўлга киритган. У Токио Олимпиадасида илк жангини айнан Баҳодир Жалоловга қарши ўтказганди. Шунингдек бир неча халқаро турнирларда ҳам боксчилар ўзаро жанг қилишган.


Дарвоқе, спортчи ва мураббийлар, мухлислар Париж Олимпиадаси вақтида Ucell компанияси томонидан тақдим этиладиган роуминг хизматидан фойдаланишлари мумкин бўлади. Қулай ва арзон роумингни айнан Ucell сизга тақдим этади.


Давом этамиз...

Делишес Ори (Британия)

Отаси нигериялик, онаси рус бўлган 27 ёшли Ори 7 ёшида оиласи билан Англияга кўчиб кетган. 2021 йилга келибгина у Британия фуқаролигини олган. Шундан сўнг Европа чемпионатида бронза, 2023 йилги Европа ўйинларида эса олтин медални қўлга киритиб, Париж Олимпиадасига лицензия олган. Британиялик оғир вазнлилар доим қийин рақиб ҳисобланган. Баҳодир Жалолов ва унинг мураббийлари ушбу рақибни ҳам яхшилаб ўрганиб чиқишган бўлса керак. 

Шунингдек ушбу вазн тоифасида Панамерика ўйинлари чемпиони, америкалик Жошуа Эдвардс, -92 кг вазнда Токио Олимпиадасининг бронза медали соҳиби Абнер Тейшейра каби боксчиларни ҳам алоҳида қайд этиш лозим. 


+92 кг вазн тоифасида Париж Олимпиадасида қатнашадиган боксчилар рўйхати: 

Маҳаммад Абдуллаев (Озарбайжон)

Делишес Ори (Британия)

Мурад Кади (Жазоир)

Қамшибек Конкабаев (Қозоғистон)

Баҳодир Жалолов (Ўзбекистон)

Абнер Тейшейра (Бразилия)

Жошуа Эдвардс (АҚШ)

Теремоана Жуниор (Австралия)

Диего Лензи (Италия)

Нелви Тиафак (Германия)

Омар Шиҳа (Норвегия)

Жамили-Дини Абоуду Муинзе (Франция)

Герлон Конго (Эквадор)

Давид Чалоян (Арманистон)

Аюб Гадфа (Испания)

Димитро Ловчински (Украина)

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика